Friday, October 9, 2009

ஹைக்கூக்கள் - பகுதி 3.

என்னின் சில ஹைக்கூ முயற்சிகள்.





இறப்பவனின் அவசரம் தெரியாமல்
சொட்டு சொட்டாய் இறங்கியது ,
பாட்டில் ரத்தம்.
------------------------------------------------------------------------------------------------



கோடை விடுமுறை
காலியாய் இருக்குது,
தாத்தா வீடு.
------------------------------------------------------------------------------------------------



புகைப்படத்திலும் இல்லை
இறந்தே பிறந்த
தங்கச்சி பாப்பா.
------------------------------------------------------------------------------------------------



வீட்டுக்கொரு மரம்
திடீரென முளைத்தது,
கிறிஸ்துமஸ் ட்ரீ.
------------------------------------------------------------------------------------------------



வெகுநேரம் நின்று
இருக்கையில் அமர்ந்தேன் - தம்பி
என்றது ஒரு கிழவியின் குரல்.
------------------------------------------------------------------------------------------------


என்னின் சில கிறுக்கல்கள்.....



பக்கம் பக்கமாய்
எழுதினாள்
அவள் எனக்கனுப்பிய
முதல் கடிதத்தில்.
ஒற்றை வரியில்
முடித்துக்கொண்டாள்
அவள் எனக்கனுப்பிய
கடைசி கடிதத்தில்.
------------------------------------------------------------------------------------------------



அன்று.

நிலம் நோக்கி
கட்டை விரலால்
கோலம் வரைந்து
சிறு புன்னைகையுடன்
சொன்னாள்,
"உன்னை புடிச்சிருக்கு"

இன்று.

தலை குனிந்து
உள்ளங் கையால்
இதயத்தை கிழித்து
துளி கண்ணீருடன்
சொன்னாள்,
"என்னை மறந்துவிடு".
- இப்படிக்கு சிவன்.

இதற்கு முன் பதிவிட்ட ஹைக்கூக்களுக்கு இங்க க்ளிக்குங்க.
காதலைப்போலன்றி,
பின்னூட்டங்களில் அனைத்தையும் வரவேற்கிறோம்.
(உங்கள் எண்ணங்களை மறவாமல் பகிரவும்).

7 comments:

வெண்ணிற இரவுகள்....! said...

//இறப்பவனின் அவசரம் தெரியாமல்
சொட்டு சொட்டாய் இறங்கியது ,
பாட்டில் ரத்தம்.//
அற்புதம் நண்பா
//பக்கம் பக்கமாய்
எழுதினாள்
அவள் எனக்கனுப்பிய
முதல் கடிதத்தில்.
ஒற்றை வரியில்
முடித்துக்கொண்டாள்
அவள் எனக்கனுப்பிய
கடைசி கடிதத்தில்//

வலி உள்ள படைப்பு

சிவன். said...

@வெண்ணிற இரவுகள்....!- ரொம்ப நன்றி மச்சான்.

கவிதை(கள்) said...

அட்டகாசம். தூள். பட்டய கிளப்புறீங்க. ஹைக்கூ அதிகம் எழுதவும். தங்கச்சி கவிதை மிக மிக ரசித்தேன்.

வாழ்த்துக்கள்.

விஜய்

சிவன். said...

@விஜய் - ரொம்ப நன்றி விஜய். இப்படிப்பட்ட பாராட்டை நான் எதிர் பார்க்கவேயில்லை. கண்டிப்பாக நிறைய ஹைக்கூக்கள் ( இவை ஹைக்கூக்கள் இல்லாவிடினும் இது போன்று) எழுத முயற்ச்சிக்கிறேன்.

பின்னோக்கி said...

சூப்பரா இருக்குங்க..அதுவும் அந்த தங்கச்சி பாப்பா ஹைக்கூ..கிளாஸ்..

சிவன். said...

@பின்னோக்கி - இந்த தொகுப்பில் எனக்கும் ரொம்ப பிடித்தது அந்த வரிகள் தான்....நன்றி பின்னோக்கி....

nanrasitha said...

மச்சான் அருமையாக உள்ளது உங்கள் பதிவுகள்.

Post a Comment

பதிவ படிச்சிட்டு எதுவும் சொல்லாம போனீங்கனா, ராத்திரி கனவுல சாமி கண்ண குத்திங்க்ஸ்....!!!

Related Posts Plugin for WordPress, Blogger...