உன் இன்மை

புகைப்படங்கள் நிரம்பிய படுக்கையறை
இசைத்தட்டுகள் இறைந்து கிடக்கும் ஊஞ்சல் 
ஸ்பரிசங்களை சேகரித்த அலமாரி 
உரையாடல்கள் உறைந்திருக்கும் சுவர்கள்
.

.

என்னை விட உன் வெறுமையை 

எப்படி தாங்கப்போகிறதோ

நம் கற்பனை வீடு.

*****

மிரளச்செய்யும் அன்பு 

மிரட்சி கலந்த ஆளுமை 

எது நீ? எது நான் ?

மாறிப் போவதறியாமல் 

முழித்து விழிக்கையில் 

கடந்து விடுகிறது 

இன்னுமோர் இரவு!

*****

மழை விரும்பா தாவரம் 

எரிதழல் தீண்ட எஸ்கிமோ 

உன் விலகலில் நான். 

*****                                                                         - அருண்.இரா