Friday, August 17, 2012

இருளினுள்...



உன்னுடன் சேர்ந்த 
மயக்கங் கொண்ட 
பொழுதுகள் - சிம்பொனி
இரவின் சிலிர்ப்புகள் !

நம் தனிமை யூடல்கள் 

கவிதை காதல்கள்
விரல்கள் கோர்த்த 
இருபாத நடை,
விழிகள் பிரியா
தனிநிழல் சிறை !

மௌன மொழிகள் 

முத்தப் போர்கள் !
'இச்' - உயிர்மெய், முதல் பாதம்.
தொடர்க,
'ப்ச்' - மெய்யுடன் மெய் !

இறுக்கம் அடர்ந்த 

மூச்சுக் காற்றில் 
கவனம் சிதறி 
இயற்கை பிரளும் !

ஸ்பரிச கோடுகள் 

இறுக்கம் சேர்க்க 
விழிமூடினும் பொருள் 
தேடுது - இருள் 
காட்டிலொரு கலவிக் காதல்.

 - சிவன் 

1 comment:

திண்டுக்கல் தனபாலன் said...

அருமை... மயக்க வரிகள்... நன்றி...

Post a Comment

பதிவ படிச்சிட்டு எதுவும் சொல்லாம போனீங்கனா, ராத்திரி கனவுல சாமி கண்ண குத்திங்க்ஸ்....!!!

Related Posts Plugin for WordPress, Blogger...